اختبار يوم الاثنين !!! :)

في احدا اليالي الهادئه , الغابره , الحاره, والاشجار تهزها الرياح << ولا وحده راكبه ع الثانيه

وبينما انا احتسي كوبا من الشااي << ملعقتين سكر وحبة ليبتون

وقطعة كيكه صغيره << مسويته الشغاله ( بيض وطحين وزيت وسكر )

كنت اشاهد فلم رومنسي قديم ( ابيض واسود ) على قناة ( ام بي سي 2)

انتها الفلم في الساعة الواحدة ليلاً قلبت القناة كي اشاهد الفيدبو كلبات

افتح قنات روتانا مسيقى اجد محمد عبده يغني الاماكن بحفلة جده

وافتح روتانا خليجيه اجد محمد عبده يغني الامكن بجلسه مع احلام وراشد

وانتقل الى وناسه واجد محمد عبده يغني احوال في حفلت قطر

وقتها جاني احباط نفسي وخلل عصبين كله بسبة هالشايب الي طالع لي بكل قاناات << بس تراني احبه J

قرفت من الاغاني وقلت خليني احط ( ام بي سي 1 ) واتفاجئ بدعايه عطر مذهله يغني بها محمد عبده <<< بعد السااعه وحده يطلع في كل القنوات

صكرت التلفزيون ورحت لغرفتي عشان العب بليستيشن واشوف السااعه وإلاهي 1:30

وانا العب كنت مقصر الصوت <<< عشان اخوي بالغرفه الي جمبي ما يقوم

واذا به جوالي يرن بنغمته الاجنبيه المستلجه والي نقزتني من محلي ورميت اليد من شد الرعب

بعد ما تداركت الوضع اخذت الجوال واناظر في الشاشه المتصل ( سامي عاشت الاسامي )

واقول في نفسي : وش مقومه ذا الحين وافكر ارد ولا لا وبينما انا افكر انقطع صوت الاغنيه واذا به ينقطع الاتصال

وانا في نفسي اقول وش عنده ادق عليه ولا لا اخر شي دقيت

(( الاتصال )) 1

سامي : يا غبي ليه توك ترد

عزوز: اول شي انا مو غبي .. بعدين انا كنت بعيد عن التلفون << اشلخ .. المهم وش عندك داق اخلص ترا انا شحني يمكن يخلص << موبايلي

سامي: يحول يا حقين الشحن ذولا انوااع الطفره والطراار

عزوز: اخلص وش عندك ؟؟

سامي: انا كنت بقولك ..........طوووووووط........ <<< خلص شحني

في هاذا الوقت شبت اللقافه عندي ابي ادري وش السالفه وارسل لسامي كولمي

سامي عارف اني ملقوف ولا اتحمل حب انه يلعب باعصابي ما دق علي

رحت ارسلت له كولمي ثانيه بعدها دق

((الاتصال)) 2

سامي: هههههههههههههههههه طفران وملقوف

عزوز: لا تتريق وش عندك؟

سامي : لو تدري وش السالفه تبي تتحسف على الكولمي الي ارسلتها

عزوز: طيب بسرعه وش السالفه

سامي: ترا عندنا بكرا اختبار رياضيات

عزوز: بس مزعجني من الصبح عشان كذا .. اصلا هو كل اسبوع يختبرنا ويرمي اوراق الاختبار

سامي: يا فطين بالعااده يختبرنا الاربعاء بس بكرا اثنين يعني يبي يحسب الدرجات

عزوز: بكل برود: اييه صح

سامي: ياله انقلع ذاكر

عزوز: اصبر اصبر انت ذاكرت ؟؟

سامي: هههههههههههههههههههههه لا

عزوز: طيب يله بااي

سامي: باي

((انتها الاتصل))

بعد ما صكرت السماعه قلت مو الحين اذاكر اذاكر بعد المبرات الي جالس العبها وكملت المبرات انااضر السااعه واثرها 2:30 << الوقت يركظ

قلت تونا يا رجال خليني اكمل لعب وجلست العب الى الساعه 3:45

صكرت البليستيشن ورحت بافتح الدفتر عشان اذاكر الا وتدخل اختي

وتطير عيونها عزووز يذاكر!!!!!!!!!!!!!!!!!!!!

قلت: ايه اذاكر عندك مانع

قالت: لا عندي دواس << مسويه خفيفة دم

قلت : وش تبين طيب ؟؟؟

قالت : منت جوعان ؟؟

قلت : الا

قالت: طيب تعال خلنا نسوي مكرونه ونحوس المطبخ

قلت: قداام <<< يحاول ينحاش من المذاكر

ورحنا للمطبخ وتطلع المكرونه والصلصه و البصل وتجلس تطبخ وانا جالس اقطع البصل

وخلصت الطبخه واكلنها وكان طعمها ممتااز

وجلست اسولف انا ويها وما انتبهت الا على اذان الفجر وانا يصيبني احباط قلت خلاص اذااكر بعد الصلاه

وقمت غسلت وتوضيت ولبست ثوبي ورحت اصلي يوم صليت وخلاصت الا السااعه 4:45

رحت دخلت غرفتي وافتح الدفتر << ياليل هالدفتر الي ينفتح ع الفاضي

وبعد ما جلست اتصفح واتعرف على الدروس يعني توني ما بديت اذاكر

تدخل امي علي بالغرفه عزووز وليدي ابيك تجيب لاخوانك خبز وفول لانه امس صكر المخببز وحنا ما شرينا خبز يعني ما فيه خبز

واقولها سم يا اميمتي الحين اجيب لكـ

وانا الي انقز من محلي واطير اجيب خبز وفول واصف طابور بالزحمه << كلهم باكستانيه والجو مو كتمه ابد

ويوم ارجع البيت الساعه 5:15 وادخل على امي ومعي الفطور

ويوم رحت اذاكر قرفت من نفسي << يمكن من الطابور حق الباكستانيه

واحس اني وصخ واقووم اتروش << كل هاذا عشان ما يذاكر ولا هو نظييف

طبعا لازم اطول وانا اتروش وما خلصت الا علا السااعه خمس الا ربع واطلع واول ما طلعت نادتني امي عزووز

سمّي … رح قوم محمد عيا لا يقوم << محمد اخوي الاكبر

وانا الي انبسطه عشان اطلع كل حرتي فيه وهو ناايم

واروح اقوم وانشب في حلقه وهواش انا وياه ما خلا شي جمبه ما رماه علي

الجوال والمخده و المفتااح كان يبي يرمي بوكه بس خااف انه يرجع له فاضي J

وبعد ما قام

اشوف السااعه الا هي السااعه 6 واقول خلاص ما يمديني اذاكر اذا رحت الفصل اذاكر

ورحت المدرس واول ما ادخل الا مقابلني سامي

يضحك ويقول وش بلا عينك ؟

قلت ما فيها شي

قال الا حمار واطالع فيها الا هي حمرا جد

واثرها احدا اثار الحرب يوم اقوم اخوي

ويجلس يظحك علي سامي

ويسألني سؤال

يقول :عزووز

نعم << من دون نفس

سامي :: نعامه ترفسك .... ذاكرت ؟؟

عزووز : وش دخلك ؟؟

سامي : خويي واخااف على مصلحتك

عزووز : خلك في مصلحتك بس ما عليك مني

سامي : كنت ابي لك الخير بس كيفك

عزووز : انت ذاكرت ؟؟

سامي : لا

عزووز: وتقول ابي مصلحتك بعد خلك في نفس الله ياخذ ذالوجه << الاخلاق خربانه

سامي يحاول يصرف : من حبي لك اخااف عليك اكثر من نفسي

عزووز : مشكور ما تقصر

ترررررررررررن << الجرس حق الطاابور

واصف طابور ووراي سامي

وتبدى التمارين الصباحيه سامي متحمس ويسوي تمرين

اما انا طفشان ولا اسوي تمارين

ويقولي سامي وهو وراي سو تمارين يا كسول وانا ما ارد علي << مسوي ثقل خخخخ

وخلص الطابور ونروح الفصل

واجلس في مكاني المعتااد وجمبي سامي ويدخل مصعب << هاذا خوينا الدافور

هاه عزووز ذاكرت ؟؟

عزووز : الحين انت ورااه ما تسأل الا انا وراه ما تسأل سامي ؟

مصعب : سامي عارف انه ما ورااه الا الدجه بعدين سامي بيدخل شرعي وانت علمي

ينقز سامي لا بدخل علمي

عزووز : ابي اذاكر الحين

مصعب : يا غبي الاختبار الحصه الاولى

عزووز <<< طارت عيونه ؟: اماا

مصعب : والله

عزووز يلتفت على سامي : ليه ما قلت لي انه الحصه الاولى ؟؟

سامي : احمد ربك اني قلت لك ان فيه اختبار

المهم بعد هواش طويل دخل استاذ الرياضيات ومعه اورااق الاختبار ويقول يالله كل وااحد يبعد عن الي جمبه

ولا تحول تغش من خويك لانه في 9 نماذج

انا تأكدت اني باخذ صفر J

ويوزع الاوراق

وتشاء الصدفه انه انا والي جمبي نفس النموذج

لاكن المشكله جمبي سامي << مثلي ما ذاكر

وكل شوي يلتفت واحد منا ع الثاني ويساله حليت شي ويكون الجواب دائماً لا

انا جاني احباط وصرت اشخمط على ورقت الاختبار وصرت اكتب عليها غاني محمد عبده الي سمعتا في الييل وبعظ اغااني اصاله

وامتلت الورقه اغااني وسلمت واول ما شاف الورقه الاستاذ عزووز صفر انت وسامي L

ما يستفاد من القصه
ـــــــــــــــــــــــــــــــ

1- لا تأجل عمل اليوم للغد
2- لا عمرك ما ترد على خويك وانت طفران
3- لا تقوم اخوك وتستهبل عليه عشان ما تصير عينكك حمرا

من نسج الخيال<< عشان ما تحسبوني دااج

تحياتي : عزووووز

تم تنزيل الموضووع بعد الحااح من وااحد من الاعضاء << بدت الاستعراظ والنص

احسن مافي القصه

ان مكرونتي جااازلتلك

هاااااااااااااااااااااااااااااااااااااااااااااااااااااااع

قصه بطله هذي قصه حياتك الصراحه موب بس يوم الاثنين

خخخخخخخخخخخخخخخخخخخخخخخخخخخخخخخخخخخخخخخخخخخخخخخخخ

والله قصه حلوة

مشكوووور أخوي على الموضوع الحو

يعطيك الف عاافيه

تقبل مروري

واحس اني وصخ واقووم اتروش << كل هاذا عشان ما يذاكر ولا هو نظييف

هههههههههههههههههههههه
هههههههههههههههههههههههه
ههههههههههههههههههههههههههههه

قصم قصمات انك توووووووووووووووووحفه

كالعااااااااااااااااده مره رهيبه اثريك مبدع تسلم على هالقصه الروووووووووووووووووعه
_________________

وقتها جاني احباط نفسي وخلل عصبين كله بسبة هالشايب الي طالع لي بكل قاناات << بس تراني احبه J

قرفت من الاغاني وقلت خليني احط ( ام بي سي 1 ) واتفاجئ بدعايه عطر مذهله يغني بها محمد عبده <<< بعد السااعه وحده يطلع في كل القنوات

ههههههههههههههههههههههههههههههههههههه
ههههههههههههههههههههههههههههههههههههههههههههههه
ههههههههههههههههههههههههههههههههههههههههههههههه
البدااايه خرااافيه خخخخخخخخخخخخخخخخخخ
وسااامي ياااحبيي له رهييب

عزوز قصصه بطللله
_________________
حياكم

www.ro0o7-zayed.yoo7.com

رووووووووووعه القصــه
خطييييييره اما سامي هذا داااااااااااج <<<<خـــطــــير ونعم الصديق
تقبل مروري

بصرااااااااااااحة القصة

خطييييييييرة

يسلمو

ههههههههههه
خطيييييره مررره
يعطيك العافيه ع القصه اروعه اللي زيك
_________________

PuT a Sm!Le !N y0ur Face